នាព្រឹកថ្ងៃទី២១ ខែកុម្ភៈ ឆ្នាំ២០២៣ គណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន នៃព្រឹទ្ធសភា (គណៈកម្មការទី៥) ដឹកនាំដោយលោកជំទាវកិត្តិនីតិកោសលបណ្ឌិត ទី បូរ៉ាស៊ី ប្រធានគណៈកម្មការ បានទទួលជួបពិភាក្សាការងារជាមួយអគ្គនាយកដ្ឋានអន្តោប្រវេសន៍ នៃក្រសួងមហាផ្ទៃ ដឹកនាំឯកឧត្តមនាយឧត្តមសេនីយ៍ គៀត ច័ន្ទថារិទ្ធ អគ្គនាយក នៅសាលសិក្ខាសាលាបណ្ណាល័យ វិមានព្រឹទ្ធសភា។ ជំនួបពិភាក្សានេះ ផ្តោតសំខាន់លើ៖ ១-ការស្តាប់របាយការណ៍ស្តីពីលទ្ធផល នៃការគ្រប់គ្រងជនអន្តោប្រវេសន៍ប្រចាំឆ្នាំ២០២២ និងទិសដៅអនុវត្តសកម្មភាពបន្តសម្រាប់ឆ្នាំ២០២៣ ២-ដំណើរការរៀបចំសេចក្តីព្រាងច្បាប់ស្តីពី អន្តោប្រវេសន៍ថ្មី ៣-ការផ្លាស់ប្តូរព័ត៌មាន និងជូនព័ត៌មានអំពីបញ្ហាប្រឈម និងសំណូមពរ ក្រោយពីគណៈកម្មការទី៥ព្រឹទ្ធសភា ចុះបំពេញបេសកកម្មនៅខេត្តមណ្ឌលគិរី ខេត្តរតនគិរី និងខេត្តស្ទឹងត្រែង កាលពីថ្ងៃ២២ដល់ថ្ងៃទី៣០ ខែធ្នូ ឆ្នាំ២០២២ ៤-ស្វែងយល់អំពីការអនុវត្តច្បាប់អន្តោប្រវេសន៍ និងការគ្រប់គ្រងជនបរទេសអន្តោប្រវេសន៍។
ប្រភព៖ នាយកដ្ឋានព័ត៌មាន
